ఏప్రిల్ 2న శ్రీ గోవింద‌రాజ‌స్వామివారి ఆల‌యంలో ఉగాది ఆస్థానం

తిరుపతిలోని శ్రీ గోవిందరాజ‌స్వామివారి ఆలయంలో ఏప్రిల్ 2న ఉగాది ప‌ర్వ‌దినం సందర్భంగా ఆస్థానం జ‌రుగ‌నుంది.

ఇందులో భాగంగా సుప్రభాతంతో స్వామివారిని మేల్కొలిపి తోమాల, కొలువు, పంచాంగ శ్రవణం, అర్చన నిర్వహిస్తారు. సాయంత్రం పంచాంగ శ్రవణం, ఉగాది ఆస్థానం జ‌రుగ‌నుంది. ఈ ప‌ర్వ‌దినాన్ని పుర‌స్కరించుకుని మార్చి 31వ తేదీన ఆలయంలో కోయిల్ ఆళ్వార్ తిరుమంజ‌నం నిర్వ‌హిస్తారు.