భద్రాచలం ఆలయంలో పెరిగిన ప్రసాదం ధరలు

ప్రముఖ పుణ్యక్షేత్రం భద్రాచలం  శ్రీ సీతారామచంద్రస్వామి ఆలయంలో టికెట్‌ ధరలు పెరిగాయి. ప్రస్తుతం ఉన్న 100 గ్రాముల చిన్న లడ్డును రూ.20 నుంచి రూ.25కు, పులిహోర రూ.10 నుంచి రూ. 15కు, చక్కెరపొంగిలి రూ.10 నుంచి రూ.15కు, కేశఖండన టిక్కెట్‌ రూ.15 నుంచి రూ.20కు పెంచుతూ నిర్ణయం తీసుకున్నారు. రూ. 100 ఉన్న మహాలడ్డును 500 గ్రాముల నుంచి 400 గ్రాములకు తగ్గించారు. నిత్యకల్యాణం రూ.1,500, అర్చన రూ.300, అభిషేకం టికెట్‌ రూ.1,500కు పెంచుతూ నిర్ణయం తీసుకున్నారు.