జ్యేష్ఠ మాస విశిష్టత

• చాంద్రమానంలో మూడవ నెల జ్యేష్ఠ మాసం.ఈ నెలలోని పూర్ణిమనాడు చంద్రుడు జ్యేష్ఠా నక్షత్రానికి దగ్గరలో ఉండటం చేత ఇది జ్యేష్ఠ మాసంగా చెప్పబడింది.
• ఋతువులలో రెండవదైన గ్రీష్మఋతువు ఈ మాసంలో ప్రారంభం అవుతుంది.
• ఈ మాసం దాన, ధ్యాన, పూజ, జప, పారాయణలకు ఉత్తమమైన మాసంగా చెప్పబడింది.
• ఈ మాసంలో ఆచరించే విధులలో బ్రహ్మపూజ ప్రధానంగా చెప్పబడింది.
• ఈ నెలలో బియ్యపు పిండితోకాని, గోధుమపిండితో కానీ బ్రహ్మదేవుడి ప్రతిమను చేసిరోజు పూజించాలి. రోజు పూజ చేయలేని వారు ముఖ్యతిధులలో పూజించటం మంచిది.
• బ్రహ్మపూజ వల్ల మరణాంతరం సూర్యలోక ప్రాప్తి కలుగుతుంది.
• ఈ మాసంలో సూర్యారాధన, సుబ్రమణ్య స్వామి ఆరాధన కూడా మంచిది అని చెబుతారు.
• ఈ మాసంలో పార్వతీదేవిని పూజించడం వల్ల మంచి ఫలితాలు పొందవచ్చు. ముఖ్యంగా శ్రీశైల అడవులలో నెలకొని వున్నా ఇష్టకామేశ్వరిదేవి పూజించడం మంచిదే.
• ఈ మాసంలో మిధున సంక్రమణం జరుగుతుంది. అంటే సూర్యుడు వృషభరాశి నుండి మిధునరాశిలోకి ప్రవేశిస్తాడు.ఈ సంక్రమణ సమయానికి ముందుగల 16 ఘడియల కాలం ఎంతో పుణ్యప్రదమైనది.
• మిధున సంక్రమణం నాడు  వృషభాని పూజించి, సాయంకాలం లక్ష్మీపూజ చేసే సంప్రదాయం కూడా వుంది. దీనినే దీపపుజా అని కూడా అంటారు.
• ఈ మాసంలోకూడా ఎండలు తీవ్రంగా ఉంటాయి, ఈ మాసంలో మంచినీటి కుండలు దానం చేయడం చలివేంద్రాలు ఏర్పాటు చేయడం లాంటివి చేయలని శాస్త్రం.
• ఈ మాసంలో పాదరక్షలు, గొడుగు, విసనకర్రలు, చందనం, బెల్లం, నెయ్య మొదలైన వాటిని దానం చేయడం వల్ల గత జన్మ పాపాలు హరించబడుతాయి.
• ఈ మాసంలో గృహనిర్మాణం ప్రారంభించడం కానీ, గృహప్రవేశాలు కానీ చేయరు. 

2021 : జూన్ 11 నుండి జులై 10 వరకు.