గర్భిణీ స్త్రీలు పాటించవలసిన నియమాలు - పద్మ పురాణం ప్రకారం

పూర్వం కశ్యప ప్రజాపతి తన భార్య 'దితి' గర్భాన్ని ధరించగా ఆమెకి గర్భిణీ స్త్రీలు ఏ విధమైన నియమాలు పాటించాలి? ఎలాంటి జాగ్రత్తలు తీసుకోవాలి? అన్న విషయాల్ని ఈ విధంగా తెలియచేసాడు. ఇవి ఆనాడే కాదు ఈనాడు కూడా అందరూ ఆచరించతగ్గ నియమాలు ఇవి.

• సంధ్యా సమయంలో భోజనం చేయకూడదు
• చెట్టు మొదల్లో నిలబడకూడదు 
• అతిగా నిద్రపోకూడదు, నీళ్ళలో దిగరాదు.
• రోలు రోకలి వీటి జోలికి వెళ్ళకూడదు
• శూన్యంగా ఉన్న ఇంటిలోకి వెళ్ళకూడదు
• పుట్టలున్న చోట నిలబడకూడదు.
• మనసుని ఆందోళనకి గురికాకుండా చూసుకోవాలి 
• నేలమీద బొగ్గులతో, బూడిదలో గోళ్ళతో రాయకూడదు.
• ఎప్పుడూ పడుకునే ఉండకూడదు.
• వ్యాయామం, అధిక శారీరక శ్రమ చేయకూడదు
• ఊక, బొగ్గులు, బూడిద, ఎముకలు పుర్రెలున్న చోట కూర్చోకూడదు
• ఇతరులతో కలహమాడకూడదు. తలంటుకోకూడుదు
• తల విరబోసుకుని తిరగకూడదు
• అపరిశుభ్రంగా ఉండరాదు. ఉత్తరం వైపు తల పెట్టకూడదు
• తల కిందకి వాల్చి పడుకోకూడదు
• బట్టవిప్పుకొని, తడికాళ్ళతో ఉండరాదు
• అమంగళకరమైన మాటలు అనకూడదు
• ఎక్కువగా పరిహాసాలాడకూడదు
• మాంగల్య అభివృద్ధి కోరి అగరుధూపాలతో దైవపూజ చేయాలి
• అన్ని రకాల మూలికలు వేసి స్నానం చేయాలి
• భర్త క్షేమాన్నే నిత్యం కోరుతూ చిరునవ్వుతో ఉండాలి.
• ఎలాంటి స్థితిలోనూ భర్తని అసహ్యించుకోకూడదు

ఈ విధంగా గర్భిణీ స్త్రీలు నియమాల్ని శ్రద్ధగా పాటించినట్లైతే సకల శుభలక్షణాలు కలిగిన సంతానాన్ని అనాయాసంగా పొందుతారు.