నాలుగు యుగాలు పరిమాణం (మత్స్య పురాణం)

మత్స్య పురాణంలో చెప్పిన నాలుగు యుగాలు

కృతయుగం 

• నాలుగువేల దివ్య వర్షాలు కృతయుగం.పరిమాణం నాలుగు వందల దివ్య వర్షాలు. 
• ఈ యుగంలో ధర్మం నాలుగు పాదాలతో అధర్మం పావు భాగం కన్నా చాలా తక్కువగా వుంటుంది.
• ఈ యుగంలో మానవులందరూ స్వధర్మనిరతులుగా వుంటారు.
• విప్రులు విప్రధర్మాన్ని , క్షత్రియులు క్షత్రియధర్మాన్ని, వైశ్యులు వైశ్య ధర్మాన్ని, శూద్రులు శూద్ర ధర్మాన్ని ఆచరిస్తూ సజ్జనులుగా ఉంటారు .
• సత్యం, శౌచం, ధర్మం వృద్ధి చెందుతుంటుంది. 
• సజ్జనులు ఆచరించే కర్మల్ని అందరూ మెచ్చుకుని తాము కూడా ఆచరించేవారు. 
• నీచ కర్మలు ఆచరించేవారు కూడా తమ తప్పుల్ని తెలుసుకొని పరివర్తన పొందేవారు. 
• ఈ విధంగా కృతయుగంలో అందరూ సన్మార్గులు గానే వుండేవారు.

త్రేతాయుగం 

• మూడు వేల దివ్య వర్షాల పరిమాణం కలది త్రేతాయుగం. పరిమాణం మూడువందల దివ్య వర్షాలు.
• ఈ యుగంలో మూడు పాదాలతో ధర్మం నడుస్తుంది. 
• రెండు పాదాలకన్నా కాస్త తక్కువగా అధర్మం వుంటుంది. 
• శాస్త్రాధ్యయనం. సత్యం బలం, క్షమ, ధర్మం అనే వాటిని ఆ యుగంలో వున్నవారు ఆచరిస్తూ ఉంటారు.
• వీటివల్ల ఆ యుగంలో ప్రజలు దుర్బలులుగా మారుతారు. 
• ఈ విధంగా త్రేతాయుగం ఉంటుంది.

ద్వాపరయుగం

• రెండువేల దివ్య వర్షాలు ద్వాపరయుగ పరిమాణం రెండు వందల దివ్య వర్షాలు.
• ఈ యుగంలో మానవులంతా రజోగుణ వంతులై అర్థానికి ప్రాధాన్యత నిస్తారు. 
• చాలా వరకూ క్షుద్రులు, మోసగాళ్ళు వుంటారు.ఈ
• ఈయుగంలో ధర్మం రెండుపాదాలతో వుండగా అధర్మం మూడు పాదాలకన్నా కాస్త తక్కువగా వుంటుంది.
• దీనివల్ల క్రమంగా కలియుగం వచ్చేసరికి ధర్మం క్షయమవుతుంది.
• ద్వాపరయుగం ముగిసేనాటికి క్రమక్రమంగా బ్రాహ్మణుల మీద, వైదిక ధర్మం మీద ఆసక్తి తగ్గుతుంది. 
• అందరూ వ్రతాల్ని, ఉపాసనల్ని  విడిచిపెడుతారు.

కలియుగం 

• అన్ని యుగాల కన్నా కలియుగం చాలా క్రూరంగా ఉంటుంది.
• ఒక వేయి దివ్య వర్షాలు కలియుగ పరిమాణం. వంద దివ్య సంవత్సరాలు ఈ యుగానికి సంధ్యాకాలం.
• ఈ యుగంలో ఆధర్మం నాలుగు పాదాల్లో వుంటుంది. 
• ధర్మం ఒక పాదం కన్నా కాస్త తక్కువగా వుంటుంది.
• మానవులందరూ కాముక ప్రవృత్తితో వుంటారు. 
• తమోగుణ ప్రధానులై  నాస్తికులుగా  మారి నేనే సర్వసం అన్న అహంకారంతో వుంటారు. ఆశ్రమధర్మాలన్నీ వ్యత్యస్తంగా మారిపోతాయి. 
• యుగం చివరి నాటికి అసలు వర్ణవ్యవస్థ వుంటుందా లేదా అనిపిస్తుంది.