జీవితంలో ఆచరించాల్సిన ధర్మాలు కుర్మా పురాణంలో వ్యాస మహర్షి వారు చెప్పి వున్నారు. అవి
- దేవతలు, బ్రాహ్మణులు, గోవులు వున్నవైపు కాళ్ళు చాపకూడదు.
- ఉభయ సంధ్యల్లో, మధ్యాహ్న సమయాల్లో నిద్రపోకూడదు
- ఆసనాన్ని పాదాలతో తాకరాదు
- అపవిత్రుడుగా (మైలలో) ఉన్నప్పుడు అగ్నిని ఉపాసించకూడదు
- ఎడమ చేత్తో నీళ్ళని తీసుకుని త్రాగకూడదు
- వేగంగా ప్రవహించే నదిని ఎట్టి పరిస్థితుల్లో దాటరాదు
- నీళ్ళలో ఉండి సంభోగం చేయకూడదు
- రావి చెట్టును ఎప్పుడు ఖండించకూడదు
- నీళ్ళలో ఉమ్మి వేయకూడదు
- ఎముకలు, కపాలం, బూడిద, వెంట్రుకలు, ముళ్ళకంపలు, ఊక, బంగారం,బొగ్గులమీద, పిడకల మీద కూర్చోకూడదు.
- నిప్పుని నోటితో ఊదకూడదు.
- బావిలోకి దిగరాదు
- అగ్నిని అగ్నిలో పడవేయకూడదు
- అగ్నిని (యాగాగ్ని) నీళ్ళతో చల్లార్చకూడదు.
- మిత్రుడు మరణాన్ని, దుఃఖాన్ని తనకి తానుగా ఇతరులకి చెప్పకూడదు.
- అమ్మకూడని వస్తువుల్ని, మోసం చేసి సంపాదించిన వస్తువుల్ని ఇతరులకి అమ్మకూడదు.
- చేసిన ప్రతిజ్ఞని ఎప్పుడూ విడిచిపెట్టకూడదు.
- పశువుల్ని పక్షుల్ని, సర్పాల్ని పరస్పరం యుద్ధానికి ఉసిగొల్పకూడదు.
- తనకు అవసరమైన అన్ని పనుల్నీ చేయించుకుని చివరికి ఆ పనులు చేసిన వాడిని వంచించకూడదు.
0 Comments