జీవితంలో ఆచరించాల్సిన ధర్మాలు కుర్మా పురాణంలో వ్యాస మహర్షి వారు చెప్పి వున్నారు. అవి
- శిశ్న, ఉదర, కర్ణ చాపల్యాన్ని ప్రదర్శించకూడదు
- దోసిలితో నీరు త్రాగకూడదు
- కాళ్లతో , చేతులతో నీళ్ళని కొట్టకూడదు
- ఇటుకలతో పండ్లుని రాలకొట్టకూడదు
- గోళ్ళతో చీల్చటం, తుంచటం, కోయటం, వ్రాయటం, మర్దించడం చేయకూడదు
- పళ్ళెం ఒడిలో పెట్టుకుని భుజించకూడదు
- నాట్యం, వాద్యం, గానం వీటిని కాలనియమం లేకుండా ఎప్పుడూ చేయకూడదు.
- తలను రెండు చేతులతో గోకరాదు
- లౌకిక స్తోత్రాలతో దేవుళ్ళని స్తుతించకూడదు
- పాచికలు ఆట కూడదు. అకారణంగా పరుగెత్తకూడదు
- నీళ్ళలో మల మూత్రాలు విసర్జించకూడదు
- ఎంగిలి నోటితో ఉండరాదు
- నగ్నంగా స్నానం చేయకూడదు, నగ్నంగా నడవకూడదు.నగ్నంగా వున్నపుడు పుస్తకాలూ చదవకూడదు.
- దంతాలతో, గోళ్ళతో వెంట్రుకల్ని పీకకూడదు.
- నిద్రపోతున్న వారిని అకారణంగా లేపకూడదు
- ఎవరూ లేని ఇంట్లో ఒక్కడే నిద్రపోకూడదు
- తన పాదరక్షలు తానే పట్టుకుని వెళ్ళకూడదు
- అకారణంగా పదే పదే ఉమ్మకూడదు
- కాళ్ళుతో రుద్దుతూ కాళ్ళని కడగకూడదు
- నిప్పుతో కాళ్ళని కాచరాదు. రాగిపాత్రలో కాళ్ళు కడగకూడదు.
0 Comments