శ్రీ దుర్గా ఆపదుద్ధార స్తోత్రమ్

నమస్తే శరణ్యే శివే సానుకమ్పే

నమస్తే జగద్వ్యాపికే విశ్వరూపే |

నమస్తే జగద్వంద్య పాదారవిందే

నమస్తే జగత్తారిణి త్రాహి దుర్గే ||

నమస్తే జగచ్చిన్త్య మానస్వరూపే

నమస్తే మహాయోగి విఙ్యానరూపే |

నమస్తే నమస్తే సదానంద రూపే

నమస్తే జగత్తారిణి త్రాహి దుర్గే || 

అనాథస్య దీనస్య తృష్ణాతురస్య

భయార్తస్య భీతస్య బద్ధస్య జన్తోః |

త్వమేకా గతిర్దేవి నిస్తారకర్త్రీ

నమస్తే జగత్తారిణి త్రాహి దుర్గే || 

అరణ్యే రణే దారుణే శత్రుమధ్యే

అనలే సాగరే ప్రాంతరే రాజ గేహే

త్వం ఏకా గతి ర్దేవి నిస్తార నౌకా

నమస్తే జగత్తారిణీ త్రాహి దుర్గే || 

అపారే మహదుస్తరేఽత్యన్త ఘోరే

విపత్ సాగరే మజ్జతాం దేహభాజామ్ |

త్వం ఏకా గతి ర్దేవీ నిస్తార హేతుర్

నమస్తే జగత్తారిణి త్రాహి దుర్గే ||

నమశ్చండికే చండ దుర్దండ లీలా

సముత్ ఖండి తాకండితా శేష శత్రో

త్వం ఏకా గతి ర్దేవి వినిస్తార బీజం

నమస్తే జగత్తారిణి త్రాహి దుర్గే ||

త్వమేకా సదారాధితా సత్యవాదిన్యనేకాఖిలా క్రోధనా క్రోధనిష్ఠా |

ఇడా పిఙ్గలా త్వం సుషుమ్నా చ నాడీ

నమస్తే జగత్తారిణి త్రాహి దుర్గే || 

నమో దేవి దుర్గే శివే భీమనాదే

సరస్వత్యరుంధత్యమెాఘ స్వరూపే

విభూతిః సతాం కాళరాత్రీః సతీ త్వం

నమస్తే జగత్తారిణి త్రాహి దుర్గే ||

శరణమసి సురాణాం సిద్ధవిద్యాధరాణాం

ముని మనుజ పశూనాం దస్యుభిస్త్రాసితానాం

నృపతి గృహ గతానాం వ్యాధిభిః పీడితానాం

త్వమసి శరణమేకా దేవి దుర్గే ప్రసీద ||

ఇతి సిద్ధేశ్వరతన్త్రే హరగౌరీసంవాదే ఆపదుద్ధారాష్టక స్తోత్రం సంపూర్ణం

ఓం శాంతిఃశాంతిఃశాంతిః !!

శ్రీ మాత్రే నమః

ఓం ఐం హ్రీం శ్రీం శ్రీమాత్రే నమః !!