కార్తీక మాసం విశిష్టత

 

• చాంద్రమానంలో ఎనిమిదవ నెలైన కార్తికమాసం ఆధ్యాత్మికంగా ఎంతో విశేషమైంది. 
• ఈ నెలలోని పౌర్ణమినాడు చంద్రుడు కృత్తికా నక్షత్రానికి దగ్గరగా వుండటంచేత ఈ నెల కార్తికంగా పేరొందింది.
• శరదృతువులో రెండవ నెలైన ఈ కార్తీకానికి కౌముది మాసం అని పేరు కూడా వుంది. కౌముది అంటే వెన్నెల అని  అర్థం.
• కార్తీకంతో సమానమైన మాసం లేదని స్కాందపురాణం చెబుతోంది.
• కార్తికమాసం శివకేశవులిద్దరికీ ఎంతో ప్రీతికరమైంది. అందుకే శివారాధనకు, విష్ణుఆరాధనకు ఈ మాసం ఎంతో ప్రసిద్ధం. 
• కార్తిక మాసంలో శివారాధన చెప్పలేనంత ఫలితాన్నిస్తుంది.
• ఈ నెలలో నక్త వ్రతాన్ని అంటే పగలు ఉపవసించి, రాత్రి భుజించడం చేస్తూ, రోజూ ప్రదోషంలో (సాయం సంధ్యాసమయంలో) శివుని ఆరాధించడం వలన శివానుగ్రహం లభించడంతో పాటు సర్వదేవతలను పూజించినంత ఫలితం లభిస్తుందని పలు పురాణాలు చెబుతున్నాయి.
• ఈ నెలలో పరమేశుని మారేడు దళాలతో అర్చించడంతోపాటు తుమ్మిపూలతో పూజించడం విశేష ఫలదాయకం.
• కార్తికమానంలో నిత్యం విష్ణుదేవుడిని తులసీ దళాలతో అర్చించడం విశేష ఫలదాయకం, ఇంకా ఈ నెలలో విధిగా అవిసె పూలతో విష్ణువును పూజించాలని చెప్పబడింది.
• కార్తిక మాసంలో గృహనిర్మాణాన్ని ఆరంభించడం మంచిదంటారు.
• ఈ మాసంలో ఇంటి నిర్మాణాన్ని మొదలు పెట్టడం వలన ధనధాన్య లాభం సిద్ధిస్తుందని మత్స్యపురాణం చెబుతోంది.
• కార్తికమాస విధుల్లో మరో ముఖ్యాంశం వన భోజనాలు. వనభోజనాలను పలు వృక్షజాతులున్న వనంలో ఉసిరిక చెట్టు క్రిందనే చేయాలని శాస్త్రం చెబుతోంది. 
• వనభోజనాలను చేయడం వలన అశ్వమేధయాగం చేసినంత ఫలితం లభిస్తుంది.
• ఈ మాసంలో కార్తీక సోమవార వ్రతాలు ఆచరిస్తారు. ఈ మాసం లో శివుడికి చేసే అభిషేకం అనేక రేట్లు ఫలితం ఉంటుంది. 
• ఈ మాసం అంత కార్తీక దీపాలు వెలిగిస్తారు. 
• కార్తీక స్నానం మహాపుణ్యప్రదం. ప్రతిరోజూ కృత్తికా నక్షత్రం అస్తమించేలోగా తెల్లవారుజామునే స్నానం చేయాలి. అప్పుడే అది కార్తీక స్నానం అవుతుంది.
• ఈ మాసంలో పురాణ శ్రవణం, దానధర్మాచరణ వల్ల విశేష పుణ్యఫలం సిద్ధిస్తుంది.
• సోమవారానికి చంద్రుడు అధిపతి. ఆ రోజు ఉపవాసం చంద్రమౌళికి ప్రీతికరం. కార్తీక సోమవారం ఉపవాసం చేస్తూ, పంచామృత రుద్రాభిషేకం చేయడం వల్ల విశేష ఫలితం కలుగుతుంది.
• ఈ మాసంలో సాయం సమయాన శివాలయంలో భక్తితో గోపుర ద్వారం వద్ద, శిఖరం మీద, శివలింగం ముందు ఆవు నేతితో దీపారాధన చేసినవారు ధన్యులవుతారు.
• దీపదానం విశేష ఫలాన్నిస్తుంది.
• ఆషాడ శుద్ధ ఏకాదశి నాడు యోగ నిద్ర కి ఉపక్రమించిన విష్ణు భగవానుడు కార్తీక శుద్ధ ఏకాదశి నాడు నిద్ర లేస్తాడు.
• కార్తీక మాసంలో కమలాక్షుడైన శ్రీహరిని కమలాలతో పూజించేవారింట కమలవాసిని అయిన శ్రీ మహాలక్ష్మి స్థిరంగా ఉంటుంది. శ్రీహరిని తులసీదళాలతో, జాజి పూలతో పూజించిన వారికి పునర్జన్మ ఉండదు.
• పురాణాల ప్రకారం మహాశివుడు త్రిపురాసుర అనే రాక్షసుడుని కార్తీక  పౌర్ణమి రోజు వధించాడు.
• ఈ మాసంలో గంగా నది ప్రతి నదిలోకి ప్రవహిస్తుంది అని నమ్ముతారు.
• ఈ మాసం లో అయ్యప్ప భక్తులు మాలధారణ చేస్తారు, ఇది మకర సంక్రాంత్రి  వరకు కొనసాగుతుంది.
• కేవలం శాకాహారమే తింటూ ఒక పూట భోజనం చేయాలి, దానధర్మాలు  మంచి ఫలితం ఇస్తాయి.
• కృత్తికలో చంద్రుడు పూర్ణుడై ఉంటాడు కనుక ఇది శివ ప్రీతికరం. చన్నీటి స్నానం ఆచరించడం వల్ల శరీరంలో ఉష్ణోగ్రత క్రమబద్ధమై చక్కటి ఆకలి కలిగిస్తుంది.

కార్తీక మాసం లో నది స్నానం విశిష్టత

2022 తేదీలు : అక్టోబర్ 26 నుండి నవంబర్  23 వరకు.